糖醋排骨
今日不經意咁煮左個糖醋排骨，唔駛醃，直接將調味汁煮熱，放入腩排煮就得，放左工先預備都綽綽有餘。 調味汁One to Five: 1湯匙米酒 2湯匙白醋 3湯匙生抽 4湯匙白糖 5湯匙水 Step 1: 將調味汁放入鍋內煮熱，最重要係煮溶D糖 Step 2: 放入腩排，用中火煮兩分鐘 Step 3: 改用細火，蓋上煲蓋，煮20分鐘 Step 4: 打開蓋，用中火煮至收汁即成 係咪好簡單呢？
發表文章
冬菇椰菜卷
睇完「深夜食堂」既後遺症除左係整八爪魚腸仔之外，就係整冬菇椰菜卷。 材料： 冬菇 2隻 瘦肉 120克 椰菜 6片 胡椒粉 1/2茶匙 生粉 1茶匙 生抽 1茶匙 蛋白 1/2隻 米酒 1茶匙 清雞湯 1/2碗 水 1碗 麻油 1茶匙 做法： 1.冬菇洗淨，用水浸至軟身，去蒂，切粒。 2.瘦肉洗淨，瀝乾水，剁碎，用胡椒粉、生粉、生抽和麻油醃好，加入冬菇粒和蛋白攪勻。 3.椰菜洗淨，瀝乾水。 4.煲滾水，將椰菜灼至軟身，盛起，瀝乾水。 5.將肉碎放在椰菜葉上捲起。 6.將清雞湯和水煮滾，放入椰菜卷和米酒，蓋上煲蓋，煮6分鐘，即成。 成個過程最難係要完整咁搣塊椰菜出泥，菜葉好脆，一搣就爛，可能要買超大個椰菜先可以搣到夠大塊既完整菜葉。
日式薯仔燉肉
懷念家鄉的味道，就煮一個鄉下經常食到的菜式：薯仔燉肉。 食材: 肉片250g，薯仔1個，紅蘿蔔半條，洋葱半個，芋絲半包。 Step 1: 將肉片兩面煎至金黃色 Step 2: 將切好的薯仔、紅蘿蔔、洋葱放入煲內，加入以下湯汁，煮10分鐘 上湯350ml 老抽6湯匙 味醂4.5湯匙 米酒3湯匙 鹽0.5茶匙 Step 3: 加入肉片和芋絲再煮10分鐘 Step 4: 煮至汁收一半即成。
孜然雞翼
成日去譚仔食土匪雞翼，今日咁啱又碰到個焗爐，就試下整呢個：孜然雞翼。 食材：雞翼15隻 Step 1: 將雞翼放入以下醃料醃1小時： 醃料： 孜然粉3茶匙 鹽1/4茶匙 糖1茶匙 米酒2茶匙 生抽2茶匙 老抽2茶匙 麻油1茶匙 胡椒粉少許 Step 2: 焗爐校至200度預熱，放入雞翼焗10分鐘。 Step 3: 反轉雞翼再焗10分鐘即成。
勇闖沙嶺禁區
沙嶺只有清明時節那個星期才開放給掃墓人士，行山人士當然也要把握機會入去行下，搭巴士去到文錦渡，沿著行車路入林，途中會見到呢架好耐無見既巴士 走過山丘，就可以遙望深圳，近在咫尺 原來以前邊境仲有硝站 重重鐵絲網防止非法入境者進入本港境內 一河之隔，卻是可望而不可及 交通資訊：上水巴士總站搭73K巴士到文錦渡總站，20min即達
攻殼機動隊
當人沒有公義，任意妄為，世界會大亂。沒人性的是否能定義為人呢？ 當人只有思想，但身體卻是機器，甚至是武器，又能否將她定義為人呢？ 一個人表現出來的行為，是人腦所操控的，若僅保存了這一點，所謂的人性，看來這才是定義人類的特性吧！ 原來香港有這樣美，現在才發現呢！
大芬壁畫村
五一勞動節真係要勞動下，北上去左大芬油畫村，深圳地鐵果日爆多人，轉左去搭巴士306，塞左成個鐘，終於到左，其實呢度都有D外國feel架！通常D人都係坐下Hea下，同埋踩下單車咁，相當Relax。 話明係油畫村，點少得油畫呢！係咪好熟口熟面，梗係啦，呢度最出名就係抄人😈 仲有雕塑添！紅色始終係佢地最愛既顏色😊 呢度仲有個美術館，展出學生作品，雖然話係學生，但水準都非常之高！ 大芬油畫村 交通：羅湖火車站搭306巴士「大芬油畫村」站落車。